唔知點解，最近唔少朋友都同小編反映呢幾個月瞓得好差，瞓咗8-10個鐘都仲係覺得好攰，可能係同壓力、心理質素有關，但根據耶魯大學神經與精神學博士李時炯所講，有時瞓得唔好，瞓極都唔飽係同自律神經有關，推薦大家好好訓練一下自律神經喔！
#每30分鐘改變一下姿勢
返工返學都成日會久坐，長時間維持係同一個姿勢，令到自律神經退化。所以不論你係企定係坐，每30分鐘去改變一下姿勢，都可以令到呼吸心跳加快、血壓上升，促進血液循環同時刺激自律神經，仲無咁易肥添。
#細嚼慢嚥
自律神經分為交感神經同副交感神經，當我地進食嘅時候，會刺激到交感神經；當我地細嚼慢嚥嘅時候，會刺激到副交感神經，所以細嚼慢嚥可以令到交感神經同副交感神經達到平衡，改善自律神經失調。
#泡澡/泡腳
研究顯示，如果泡 41 度的熱水半身浴，交感神經就會因為熱氣而變得興奮。如果唔方便泡半身浴，泡腳都係一個不錯嘅替代方案，每日10分鐘，去令血管擴張、血液循環加快、心跳加速，從而鍛鍊自律神經。
#不要穿太厚
我地嘅自律神經係會根據環境溫度變化而調節體溫，所以如果你一有少少凍就加衫，自律神經就失去功用，慢慢就會退化。所以大家唔好成日都只係涼涼地就著厚衫，因應環境及氣溫穿脫衣服，鍛鍊自律神經。
#有氧無氧訓練都是需要的
運動嘅時候會促進血液循環及呼吸心跳，自然鍛鍊到自律神經。要有效地鍛鍊自律神經，就要軟硬兼施，有氧無氧訓練都要做，先可以同時鍛鍊好唔同部位嘅自律神經。
#早晚伸展身體
朝早起身同夜晚訓之前，不妨伸展一下身體，或者做一下瑜珈，除咗放鬆身心，仲可以刺激到交感神經，達到鍛鍊自律神經的效果。
留言 0