奇情谷｜大愛成眾人母親 家居補習變托兒所 忽略女兒留憾

由導演火火、吳若希（Jinny）及曾展望（GM）主持的《奇情谷》，昨晚（21日）主題為「奇蹟補習社」，請來珊珊（化名）講述自己的奇情遭遇。珊珊在馬來西亞出生，一出世生父坐監、生母走佬，幸遇上善心養母，令她命運逆轉。她嫁到香港為生計開辦奇蹟補習社，包食包住包管教，全盛時期70個學生，卻想不到賠上跟女兒的關係。

珊珊的大愛包容傳承自養母，她在節目中透露，養母本身已經有8個仔女，一直靠幫人洗衫養活一家，她說︰「養母好惜我，惜我仲多過佢啲仔女，我喺好有愛嘅環境下成長。」珊珊後來嫁到香港，並誕下兩女，原本生活美滿，可惜好景不常，丈夫失業。珊珊便膽粗粗開辦居家補習社，希望幫補家計，她說︰「諗住可以照顧到兩個女，又做到嘢。」輾轉間家長們口耳相傳，高峰期有70個學生，漸漸發展成包伙食、托兒兼寄宿服務。

雖然解決生計，但補習社令兩名女兒，蒙上童年陰影，她無奈說︰「原本以為多啲小朋友，可以陪兩個女，但佢哋大個同我講係唔開心。無小朋友鍾意同人share媽咪，每次買玩具都要同人分享，連禮拜六日去街，都要帶住其他小朋友，對佢哋嚟講係虧欠。」

大女每年生日，更加成為母女間的一道鴻溝，珊珊語帶悔疚表示︰「大女聖誕節生日，我將佢嘅生日會，變成聖誕party，後來睇番生日會嘅相先發覺，佢係唔開心。」上天對珊珊的考驗沒停下來，發覺老公有外遇，最後他更賣掉住所挾款私逃。遭逢巨變不單令珊珊不知所措，更令大女萌自殺念頭、細女變成自閉，可幸獲家長接濟度過難關。

節目尾聲請來大女透過電話真情剖白，珊珊聽到女兒聲音，已哭成淚人，女兒講到跟媽咪的關係時說︰「由難過去到傷心變成失望，好難忘成間屋變成補習社，嗰時諗唔知係咪成世間屋都係咁，會覺得畀人瓜分咗媽咪。

對補習社印象最深刻嘅係，每日入屋要講30次『唔該借借』先行到返房；冲涼嗰陣唔可以唱歌，因為一行出廁所，就會全部人望住你。最唔開心係同佢啲學生一齊受罰，學生可以返屋企，自己就要繼續罰。」女兒慨嘆一人只有一個童年，亦理解母親捱了好多難關，她補充說︰「我哋一齊好好努力，希望我早死過你，等我生命每一日都有你出現。」

（即時娛樂）