2023年的Lolly Talk
Lolly Talk喺新人年取得喜出望外既成績後，2023佢地更進一步，推出四首作品風格各異但同樣出色既作品，為樂迷帶嚟豐富一年。
「我在發夢 你在發夢 置身宇宙 這維度裡聚頭 同編出星宿」
《七姊妹星團》驚喜地加入搖滾元素，唱出成員間無論如何都會互相扶持既關係，熱血團結地一同努力追夢，為大家帶嚟一點力量。
「再煞有介事 就太過幼稚 讓我建構意義 逐次揭示」
《一把火》以強勁節拍，洗腦歌詞同rap，配上型格霸氣跳唱，帶出我地面對旁人目光、批評時要堅持信念，多一位信心勇往直前，再用實力證明自己，係LT去年最令人耳目一新既作品。
「笑 戴四方帽畢業時 手拖手在笑 成全這一張 合照」
《四方帽之約》係Lolly Talk少有既慢歌，讓大家勾起讀書時期回憶。即使未必所有經歷都咁美好，但當中既友情絕對無比珍貴。不經不覺，青春已經一步步離我地而去，同學亦各散東西，慶幸回憶永遠不變。
「要兩顆心開展 In love的一天 這日我會令你也掛牽」
《二人限定故事》用甜蜜旋律同聲線，唱出少女對愛情既憧憬，有種夢幻純愛感覺。MV更好似同成員們浪漫地邂逅，聽完個人都開心咗，為樂迷喺苦悶中帶嚟一絲甜，係我2023最喜歡既廣東歌之一。
「齊心追夢手牽手」
除咗幾首大熱作品， Lolly Talk去年仲首次舉辦演唱會，作出各種新嘗試。現場感染力極強，展示舞台魅力以外亦讓粉絲了佢地更多，以第一個show以言非常精彩，目不瑕給。
Lolly Talk能夠喺2023年突圍而出，滿滿青春活力、樂天討喜既性格顧然係最大原因，加上成員們團結一致，各同進退，仲願意同粉絲拉近距離，依種貼地同親和力令佢地更吸引。縱然跳唱實力未必係最頂尖，但就有種令人睇得開心舒服既魔力。
「再可團聚更多 沉默的隊友」
2023對Lolly Talk絕對係收獲豐富既一年，成功喺頒獎禮取得佳績，亦收獲眾多新粉絲。兩年間睇住依八個女仔不斷進步，用實力同努力走出依條非一般女團路，非常感動，已經成為我最喜歡既女團。
2024相信佢地會繼績為波板糖們帶嚟歡樂，展現更多面向比廣大樂迷。新作《六度相隔理論》亦再次唱出新鮮感，令人期待下一首作品，LT加油！
「來讓我 尋獲你 齊集來天台 再相見」
▼Follow hkpopculturelover
Instagram: https://www.instagram.com/hkpopculturelover/