今個夏天熱辣辣，街外個陽光簡直猛到眼都打唔開，唔知以為自己身處係東南亞地區😵💫都係約埋班fds去室內消暑好過！位於旺角嘅越南fusion餐廳「NAM VIỆT NAM」推出全新夏日menu，8道fusion菜結合法國、東南亞同越南特色，由主菜、飲品到甜品都落足心機設計精緻賣相同味道配搭，比大家以味蕾感受異國風情！部分菜式仲以「幻變」做主題，加入震撼眼球同視覺嘅元素，真係勁謀殺姊妹們嘅菲林呀📸！
大力推介必試「富國島之椰子奶凍」！甜品加入清新椰子，消暑解渴之餘，底座仲有乾冰同變色燈，上枱時會冒出一大堆冰涼白煙，營造出迷幻白霧森林嘅感覺，將越南有馬爾代夫之稱嘅富國島景色，用另類結合美食同裝置藝術嘅手法呈現眼前，睇到我同班姊妹嘩嘩聲😆！
另外同樣非常適合打卡兼消暑嘅菜式仲有「泡泡雞尾酒」！備有deep sea fantasy（白）、tears of mermaid（紅）同bitchy berries（藍）3種，以唔同雞尾酒打底，再配合雜果調味，極度消暑醒胃，另設無酒精版本，貼心照顧到唔飲酒嘅朋友～店員仲會即席係杯面加添大泡泡，食得又玩得！
鍾意嘆啡飲啤嘅，仲可以揀「斑蘭奶蓋咖啡啤酒」或者「NVN咖啡骨」！前者以斑蘭結合香濃越南咖啡同啤酒，配搭出獨特風味，相當易入口！後者將越南特濃咖啡淋上微甜棉花糖同獨門滷水豬軟骨之中，先甜後微苦，味道層次極豐富，個豬軟骨亦非常惹味，食到停唔到～
當然唔少得一系列充滿夏日氣息嘅主菜、前菜，包括「惹火上身鹹檸豬頸肉」、「越式發酵茶葉沙律」、「火龍芒芒蝦仁配脆蝦片」，加入檸檬、青檸、魚露、水果元素，鹹甜皆宜。豬頸肉上菜時仲會配合點火嘅儀式，🔥magic moment真係睇少眼都唔得😆！
最後唔好睇小「差不多一尺蝦」呢款菜個名得得意意，大蝦係以法國南部傳統焗羊架烹調，啖啖鮮肉配上越南蕃茄甜醬，絕對係驚豔料理之一！
View this post on Instagram
講咁多，都係想認真推介比大家，如果想有得食，有得影靚相打卡，兼一班人聚頭食好西，呢間越南越真係滿足到大家！❤️
📍 NAM VIỆT NAM CAFE @nvnhkg
📸 @hungrymancy
✨Follow @foodtag.hk 一Tag在手即搵心水餐廳美食❤️
