車路士中場干拿加拉加接受訪問就話「如果我話對自己位置一啲都唔擔心，咁我就係講緊大話。當你踢緊嘅位置有位頂級球員加盟，你就會覺得自己上陣機會減少，但係呢件事令你同教練證明自己有能力比賽，而我今季就係咁樣做😎。」
加拉加又話「效力車路士呢啲頂級球會一定有野要面對，車路士係過去20年其中一間最好球會，所以呢度競爭激烈，唔單止中場，其實每個位置都係咁。當我同教練傾過計之後，佢話好欣賞我同埋我係佢嘅計劃入面，我聽到之後真係好開心😁。」
呢位英格蘭🏴中場最後就話「今個夏天發生咗好多事，球會有好大變化，有好多新球員加盟，亦都有好多球員離開。無論教練想我做咩，我都會照做，繼續努力付出所有野🙂。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/football.jai/
留言 0