【美魔女】50歲萬綺雯童顏長腿　網民驚嘆食咗防腐劑

今年亞姐即將進行決賽，雖然一直以來亞姐質素都比較參差，不過咁多年黎都出產過有唔少女神，而當中被封為「最美亞姐」嘅萬綺雯（蚊蚊），擁有43吋長腿，曾經喺亞視一姐，不過佢近年淡出幕前。近日佢喺社交網上載咗段Key嘴唱歌嘅短片，重現佢喺《我和春天有個約會》中演嘅藍鳳萍，翻唱周慧敏歌曲《最愛》嗰幕。原來蚊蚊今個月初已經踏入50歲，唔少網民都大感驚嘆，大讚佢嘅凍齡神功認真犀利，好似完全唔識老，十足時光倒流24年一樣呀！

入行13年嘅藝人周柏豪接受電台訪問，講番佢當年加入創作人陳光榮嘅錄音室，做義務工程師，斟茶遞水、洗廁所一腳踢，第一個星期返工就要招呼當年已經大受歡迎嘅容祖兒，當時自己冇自信到連人都唔敢望。佢仲大爆同太太咁多年嚟既感情經歷，想知道係點就要睇《繽FUN主播室》！

東網網站 : https://on.cc/

東網Facebook專頁 : https://www.facebook.com/onccnews/