關智斌玩遊戲問「最大缺點」！吳卓羲：我鼻哥窿好臭

吳卓羲、關智斌（Kenny）早前參與網上遊戲節目《明冤暗枉補習社》做嘉賓，挑戰「忍笑Challenge」三個回合，其中一幕Kenny問「你人生最大嘅缺點係乜？」吳卓羲答：「我個鼻哥窿好臭」，令坐在後面的Angela更笑到喊，需要暫停錄影補妝。

原來在二人輪流互問對方問題的環節中，對方需要用指定答案回答。吳卓羲跟Kenny對戰，他們的指定答案是「我個鼻哥窿好臭」，二人一開始的問題已令全場爆笑，例如：「你人生最大嘅缺點係乜？」、「你啲鼻屎臭唔臭」等，雖然如此，但吳卓羲跟Kenny依然目無表情，勝負難分之下唯有再開題目，這次的指定答案是「喺我大脾罅度」，二人問題甚有水準，如：「你啲錢平時擺喺邊度？」、「你梳頭時啲頭皮去咗邊度？」、「你生日最鍾意去邊度？」、「你返屋企同媽食飯你會去邊度？」、「你唔駛拍戲時休息時間會去邊度？」等，後面一眾藝人已經笑到失控，反觀二人仍未有半點笑意，最終又是打成平手。

之後進行加碼賽，這次的答案是「Bosco個腳趾罅識發電」，汲取前兩次的經驗，燃起吳卓羲的勝負欲，這次他採用新策略，改為問一些九唔搭八的問題，「《戰毒》入面你同吳千語有冇感情戲？」、「你知唔知道Bosco隻腳生癬？」，之後更將問題問到一半，然後叫Kenny回答，Kenny被他這個舉動殺個措手不及，忍笑忍到雙眼通紅，終告失守。

撰文：機