林盛斌一個撈麵5個人分　細仔餓到喊出嚟

藝人林盛斌（Bob）雖然工作好忙，但一有時間就會陪屋企人，繼之前佢生日喺街邊食印尼撈麵慶生之後，睇嚟阿Bob食上癮，今次就一個印尼撈麵五個人食！

一開始阿Bob就問班仔女邊個想食撈麵，個個都好興奮話想食，佢哋由大到細按年紀排隊，首先係大家姐林霏兒食第一啖，之後到二家姐林熹兒食，點知到三家姐林機兒食嘅時候，細佬林道申突然想打尖，阿Bob即刻叫停，要佢排隊先可以食，搞到林道申嘴扁扁離開，以為冇得食，攬住二家姐爆喊，全場爆笑！

之後到三家姐食完之後，阿Bob叫細佬過嚟食麵，細佬一臉好慘兼眼有淚水，仲要講聲：「多謝爸爸。」先可以食到一啖，雖然喊晒咁，但唔少網友都話佢好搞笑！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。

東網網站 : https://on.cc/

東網Facebook專頁 : https://www.facebook.com/onccnews/