難捨大量置入式廣告《愛回家》演員離巢劇情翻炒仍然挑戰3000集

1.最近《愛回家之開心速遞》又再地震，繼飾演熊心如的蘇韻姿正式宣布離開TVB後，「細龍生」鄭世豪亦傳出快將離巢，最新連「接龍CPU」（譚坤倫飾演）都宣布離巢

2. 先講講現年45歲嘅鄭世豪，效力TVB已經有23年，喺《愛回家》之前，最出名算係參加咗《星夢傳奇》奪得第二名，仲出過派台歌；而譚坤倫，效力TVB已經有13年，當年參加綜藝節目《功夫新星》出道，喺接龍集團IT部飾演「CPU」，毒男形象深入民心

3. 「細龍生」同「大小姐」#龍力蓮（林淑敏飾）爭「接龍集團」繼承人之位，一向係依套劇嘅主線，「細龍太」同表妹佘愛詩（岑杏賢飾）一早走咗，依家「細龍生」走埋，唔通要阿媽做獨腳戲？

4. 報道亦提到，2022年港姐冠軍林鈺洧（Denice）已獲急召入劇組，話做「接龍初戀Cafe」侍應，睇怕豪仔戲份又要俾人cut。

5. 而一向力捧嘅丁子朗或會出演龍家三太兒子Joe Lung，但即使屬實，睇怕都好似周嘉洛（飾金城安）咁，一有其他劇拍就冇影

6. 套劇至今播足7年，夾埋成2000幾集，破晒記錄，講真，要講嘅都講晒，亦隨唔少主要演員離巢，做到今時今日，都算係奇蹟

7. 先講「熊氏一家」，除了主要成員金城安因偏受力捧要拍其他劇而經常「離家」；熊心如（蘇韻姿飾）亦已離開TVB，因人丁太單薄，要申瑞素「長駐」熊家

8. 睇返近期離開劇組演員，除咗熊心如同細龍生，亦包括KC情人朱茜、阿May喜湘飛、Philip仔；之前仲有曹總、江慧喬等等，而唔少主要演員，耐唔耐又因「唔聽話」而被雪，導致劇情「甩皮甩骨」

9. 相信唔少觀眾發現，劇中有大量置入式廣告，亦係TVB一直唔肯放手嘅原因之一，但似乎觀眾對一直誤會都十分受落，咁TVB當然要一直偷聽落去

10. 不斷重複嘅劇情，不斷地「人頭豬」，亦反映喺收視上面，上星期愛回家跨平台直播收視最高20.4點，對比喺兩年前最高25點跌近兩成（當時仲未計入跨平台），過去穩佔全台收視第一，收視更曾衝破30點，依家跌到第三

11. 觀眾請期待3000集嘅來臨，挑戰「亞視永恆」！

娛樂