華燈初上︱霍建華忍夠林心如：來辦你的喪禮！

台灣劇集《華燈初上》最近爆紅，港台爭住睇主角林心如同楊謹華兩位「媽咪」大戰，又齊齊搵「誰是兇手」，不過新劇仲有一個最大賣點，就係林心如位型男老公霍建華久休2年復出，雖然佢仲未有啲咩主要戲份，不過佢今次演監躉孖老婆做對手戲，大家話都非常有睇頭。

第二季預告片近日流出，入面終於都見到霍建華放監，不過原來佢同老婆喺劇中唔似係好友，客串演出「馬天華」嘅霍建華，為咗幫「姐」蘇媽媽（楊謹華飾）報仇，見佢臉貼臉呼喝林心如，仲喺告別式上當面對林心如嚴詞威脅：「之後我會用更高、更好的規格，來辦你的喪禮！」兩人婚後同台鬥戲，成另類秀恩愛嘅同時，佢又喺喪禮中大灑冥紙，更有持槍對峙楊祐寧場面，角色似乎好關鍵，唔知會唔會由客串「升呢」變主角之一呢？

東網網站 : https://on.cc/東網Facebook專頁 : https://www.facebook.com/onccnews/