大渣哥茶記告別港島︱灣仔分店今日正式結業

如果大家最近路經灣仔，便會留意到有間位於軒尼詩道的食肆，每逢Lunch Hour就大排長龍，驟眼睇落以為有新店開張，事實上卻是良心小店「渣哥一九九六」早前宣佈其灣仔分店會在今日（9/11）下午三時正式結業，引來大批港人爭相「趕尾門」捧場，就連藝人王宗堯與財經專欄作者渾水亦有特地到訪，為渣哥Farewell。

大渣哥茶記於上年十月進駐灣仔，營運不足一年，最後決定提早退租。店舖負責人渣哥表示宣佈結業並非「告急」，而是港島分店實在做得太勞氣，令分店團隊意興闌珊；同時強調大家毋須特意幫襯，鼓勵大家轉而支持其他叫苦連天、真正需要幫忙的小店，頗有「買賣不成仁義在」的感覺。

不過渣哥的說辭，又怎敵一眾熱心市民的盛意拳拳，消息發佈至今，到場「懲罰」的街坊駱驛不絕。如果趕唔切幫襯亦唔需要懊惱，皆因大渣哥的九龍灣分店與德福、東涌兩間細渣哥依然會正常營業，仲有大把機會品嘗渣哥的美食。

【大渣哥茶記 九龍灣本店】
營業時間：7am - 10pm
地址：九龍九龍灣常悅道21號 Eastmark地下1&2號舖
外賣電話：25551996

文｜Layne
圖｜渣哥一九九六

💛FOLLOW AndThen.hk
📘Facebook: AndThen.hk
📷Instagram: @andthenhk
Ⓜ️MeWe: AndThen.hk