劉馬車稱Coffee為「炮友」　宣布情侶檔合作遭對方速回應

現年27歲的網絡紅人劉馬車屢次惹上官非，月前涉襲擊網台記者自首被捕，上月又自稱曾與鄧月平拍拖，令鄧月令嬲爆，靠自製爭議博出位，他近日又再於社交平台單方面公布與林芊妤（Coffee）是「長期炮友」，再次引發網民熱議。

Coffee近年轉行做瑜伽導師，加上經營健康運動形象，成功轉行變身百萬網紅，IG粉絲人數差一大截的劉馬車昨日先於限時動態分享追風的錯誤示範，之後再上載一段Coffee昔日受訪短片，二人曾被網民戲稱外表相似，劉馬車在短片上留言，自稱接下來將會與對方情侶檔合作，又指：「其實馬車一直都同Coffee有發展地下情，而且馬車同Coffee係長期炮友，大家千祈唔好話俾Coffee老公知！」轉個頭又晒出與「火雞姐」丁可欣的合照，再稱「一齊過」，吸引網民關注。Coffee最初以真身帳號親自在劉馬車IG下留言，笑指對方「亂噏都有人信」，又表示睇完大家的留言就安心了，比起前一位女主角鄧月平表現輕鬆得多，不過之後又刪除留言。