舖市見底？｜舖壇老行尊分享買舖心得 2080萬買旺角地舖
本港住宅市場交投回暖，工商舖會否像當下天氣一樣回春？作為「舖壇老行尊」的美聯工商舖前行政總裁盧展豪近日就以2,080萬元購入旺角洗衣街一個地舖，他的出手是否意味香港工商舖市場反彈？
他接受《BossMind》訪問表示：「無人知道舖市個底，街上都仍然好多吉舖，但我相信世界上永遠都有一個循環，好似春夏秋冬咁。如果將來香港經濟好轉，再多啲內地專才來港呢！呢個係我嘅諗法。」
今次盧展豪買入的舖位，位於旺角洗衣街155至161A號百寶大廈地下D舖，建築面積約1,300方呎，買入價2,080萬元，呎價約1.6萬元，目前由髮型屋承租，每月收租9.5萬元，料租金回報率5.5厘。
盧展豪表示：「呢個舖位平，附近又有重建，周邊啲舖位比自己買入嘅舖位大啲都賣成4,000萬元。舖市個底係邊？無人知，但我會去諗，呢舖如果9.5萬元租唔出，咁8萬元呢？7萬元呢？而家就有一個機會去買啦！市旺個陣，係搶唔到㗎。而且，而家買入價幾乎跌咗一半，就算再跌，我諗我都無人咁傷。」
對於有些投資者以回報率作為入市準則之一，縱橫舖市幾十年的他坦言：「買舖呢，就諗個舖租唔租到出去，租到幾多錢。有啲位置，係無乜升值潛力。買舖，我會睇幾樣嘢，包括地區、基建、未來會唔會有大型發展，好似今次買呢個舖，附近洗衣街有大型重建項目。」他又指，過往有些商舖炒得太高，不少舖主被銀行call loan，變成銀主盤，被逼變賣。所以投資入市都自己衡量風險，今次購入的旺角舖位是FULL PAY，畢竟將近退休，不想有太大財政負擔。
翻查資料，李根興旗下盛滙商舖基金購入洗衣街多個地舖，其中洗衣街153號地舖，地舖連天井，建築面積共約2,000方呎，成交價約3,950萬元，呎價約2萬元。該基金還購入了洗衣街111至121號地下C號舖位、洗衣街155至161A號百寶大廈地下E1號舖位等。
密切留意BossMind動向！立即CLS