BOB林盛斌家中看金像奬直播　被女兒激發：要威俾佢哋幾個睇

《第43屆香港電影金像獎》頒獎禮舉行完畢引發不少話題，而BOB林盛斌都有在家中看直播，不過他就發文指和女兒一同看電視時被女兒嘲笑，更指要努力拍戲，指終有一日「以提名人嘅身份坐喺度」。

BOB難得未有工作在身，星期日晚與仔女一同收看ViuTV直播金像獎頒獎禮，期間二女問起：「爸爸，點解你今晚唔使去嘅？」BOB回應指︰「咁我又唔算係電影人，又唔係拍好多戲……」其後二女：「點解你唔拍多啲戲嘅，係咪因為冇人搵呀？」三女加入：「肯定係，哈哈哈哈！」雖然BOB要求繼續看電視，但隔了一會，三女又再問：「爸爸，你係咪完全冇攞過呢啲奬㗎？」BOB答：「梗係冇啦。」三女再答：「吓，咁渣㗎！」最後BOB唯有要求熄電視：「瞓覺，聽日返學！」
之後更留言指要發憤：「我要喺度好多謝我嘅屋企人，佢哋真係俾咗好多正能量我。終有一日，要威俾佢哋幾個睇，以提名人嘅身份坐喺度，呢個世界，咩都有可能嘅。」