歐倩怡出show控前夫網民為何同情變質疑？

1.自郭晉安及歐倩怡（Cindy）正式宣佈離婚後，郭晉安對回應離婚一事頗為避忌，指離婚為私事；反之，日前歐倩怡卻在網台大談離婚原因。

2. 歐倩怡在訪問中提到，離婚的導火線之一，是2019年患上重感冒，多次就診仍未退燒，「有晚深夜兩、三點，瞓瞓下覺feel到左手中指突然間好似觸電咁，然後觸電感覺去到身體，開始抖唔到氣。」

3. 於是她立即叫醒枕邊人郭晉安，「話佢知我抖唔到氣」，但卻換來對方稱「咪玩啦！瞓覺」

4. 歐倩怡續指，郭晉安見唔對路，起身在網上搜尋，「睇下係咪應該call白車。後來佢搵到一個方法，就係用片糖沖熱水畀我飲。」但當時歐倩怡已出現失禁情況「跟住我暈咗，成個頭塞咗入痰罐，暈咗」

5. 歐倩怡指︰「到我第二朝醒返，發現自己個頭仍塞咗喺痰罐到！終於抖到氣，死唔去。」

6. 早前有報道指，郭晉安早在離婚前，轉移家族生意草姬公司股份，「避分身家」，一開始，有網民一面倒支持Cindy，稱「好彩你有離婚，不是可託付終身的人」、「另一半連陌生人都不如」、「有時就係危急關頭先睇得出個人」

7. 但節目出街後數天，有網民發現歐倩怡節目中態度傲慢，坊間對Cindy的同情反變質疑。有網民指單憑歐倩怡單方面之辭，未必是事實的全部，「一離婚就係咁出黎唱衰個ex」，亦有網民指，假設郭晉安真的如此無情，沒有理由床單已弄髒的情況下仍可安心睡覺，而歐倩怡見狀亦應立即叫救護車，不是與他糾纏

8. 除此以外，整個節目中，Cindy大部份時間都提及如何用交友app更受歡迎、高談闊論結識男士的質素，被指對男方不太尊重

9. 當中尤其以「女人真係唔好讀太多書，真係有啲男士係會驚你」、「勁得濟係嚇親人」最為人側目，要數到圈中學歷高女藝人大有人在，有指歐倩怡「唔知有咩好炫耀」

10. 有網民直接到Cindy的社交網絡帳號留言：「既然離咗婚，冇必要向人公開你哋之間嘅事情」、「你咁多時間去學呢樣學嗰樣，郭生都畀咁多自由度你，你都唔滿足，其實結咗婚嘅媽咪可以有咁多自由度，唔係個個有㗎，其實係一種福氣，你應該珍惜啦」

11. 亦有網民提醒她「知道妳亦不會是第一次面對記者和傳媒，但妳今次這樣答法相信妳肯定知道是對自己很不利的！」

12. 而節目至今負評數近2萬，正評為6,000，並罕有關閉留言功能；Cindy亦有回應網民稱「可能同主持人喺鏡頭後玩得太癲，攪到訪問咁Beli Bala嚇親人，下次要提自己冷靜啲。」

13. 先唔理二人誰是誰非，最可憐嘅，莫過於夾喺中間嘅一對仔女！

娛樂