禍延娛樂圈金融才俊無市場無線小花復出搲撈自救

1. 金融業蕭條，影響蔓延娛樂圈。早幾年「金融才俊」吃香，TVB 當紅花旦陸續出嫁引退，疊埋心水做少奶奶。不過隨住經濟不景，唔少花旦都神奇地頻密現身、復出搵銀。

2. 香香公主（岑麗香）自2010年贏得國際中華小姐冠軍後，加入大台短短幾年扶搖直上，做埋女一。13年佢突然下嫁金融才俊Joshua（強強），仲生咗兩個B添！

3. 嫁畀金融才俊，生活水平自然升呢，由住喺將軍澳到婚後為囝囝有更好學校網絡，搬去市值超過2千萬元干德道豪宅！試過有眼利網民，發現佢出街時將價值8萬蚊名牌手錶倒轉戴，被指「隻錶分明唔喺睇時間！」

4. 神隱咁耐，近月香香高調起來！出席品牌活動時，指出對所有工作都採取開放態度，不抗拒性感出鏡。據知她近日主動向傳媒放聲氣，希望獲得專訪或採訪機會。

5. 另一個36歲林夏薇 2021年拎完視后，再同金融界鑽石王老五莫贊生結婚，二人仲喺山頂15億嘅超級豪宅低調舉行婚禮，林夏薇變身圈中闊太。

6. 佢亦大方分享自己奢華生活，仲指自己「空中薇」、「時差薇」，話自己搭飛機多過坐車。

7. 可惜期後莫贊生被貼街招，屢被指欠債及金融老千，林夏薇堅持相信老公而且繼續活躍演藝界，佢仲講話「唔會有工作叫少奶奶，每個人追求唔同嘅人生選擇！」啱嘅！自己掌握自己財政大權，喺呢個時勢先係最實際！

娛樂