網上熱話｜公屋住戶因母親離世需點蠟燭 鄰居不滿投訴 網民：好無同情心

正所謂遠親不如近鄰，能與鄰居和睦相處的話，確實是一件難能可貴的事。不過未必個個都咁好運，有時更有機會要與鄰居鬥智鬥力。早前一位公屋住戶因為母親離世，需要在門外點蠟燭，未料到被鄰居投訴之餘，更要求他做1事，令大批網民紛紛留言表示對方「好無同情心」！

公屋住戶母親離世 需於門外點蠟燭

早前一位公屋住戶在社交平台無奈發文，指母親近日離世，「師傅話要點蠟燭起門口直至出殯當日」，因此在家門外點起白蠟燭。發文者稱，已經選擇了「厚身玻璃重手不容易整冧」的款式、而且「已經盡量貼住門邊擺亦有放鐵盤兜住，就算冧咗都唔會流到周圍係」，並已點了近一星期，沒料到開始收到鄰居投訴。

鄰居不滿投訴

發文者表示，收到管理處電話，「有鄰居投訴話危險」。雖然「公屋走廊唔俾擺雜物更何況著火既爉燭」，但負責處理投訴的職員就揚言「一般呢啲特殊情況大家都會包容，都係第一次收到依啲投訴」，縱使已經與對方溝通，但鄰居堅持「要我地拎入屋燒」。發文者唔想職員難做，亦明白「規矩係規矩」、「但都真係幾唔開心，本身已經要消化親人走咗既情緒依家仲要無得好好做足儀式」。

網民：好無同情心

發文者文末就表示「大概都知邊戶人投訴因為都唔係第一次，以前試過有一戶自殺門口點左白爉燭，根住果一戶想搵埋我哋其他鄰居一齊投訴但無人理佢」，又苦呻「依家都唔知點，擺入屋燒好似仲危險，平時無人起屋企」。

有網民留言指，在門外放蠟燭非常危險，有可能釀成火災，「擺入屋燒又識怕危險，放走廊燒又唔怕危險呢？」不過亦有人認為「唔使理佢！！我有同樣經歷，你同房署講收到（人哋打份工，唔好令人難做）。但照舊唔郁，冇人會敢郁你D野，始終中國人有忌諱。另外可以叫投訢嗰個人，睇唔過眼自己收起佢，不過你唔包你媽咪回魂搵唔到路，會唔會走去佢屋企。」、「同管理處講收到，但唔洗有行動，鄰居夠薑就自己清走佢」，亦有人直言「其實而家公屋好多人都好冇同情心」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)