張與辰終於唔使住凶宅　劉洋減肥「目標」想着比堅尼

已故填詞人盧國沾的作品展《致敬詞聖盧國沾作品演唱會》將於周六（7日）在紅館舉行，演藝圈一呼百應，包括溫兆倫、羅嘉良、張德蘭和雷安娜等將重新演繹盧國沾的作品，近日人氣急升的《中年好聲音3》的張與辰和劉洋亦有份參與演出，昨晚（5日）到九龍灣緊密地綵排，張與辰會演唱《決戰前夕》，又與劉洋合唱《傲骨》，劉洋就會獨唱《雪中情》，再次挑戰廣東歌，表示已背好歌詞。張與辰早前被爆入住凶宅，他透露已另新居隨時搬屋，昨日便整日睇傢俬，他笑說：「新屋唔係凶宅啦！上網查過，方向坐南向北，好透光室內光線好足。」問有否羡慕《中3》歌手李金凱加入《愛．回家之開心速遞》拍綜藝？與辰直言能夠入《愛．回家》這個大家庭當然羡慕，自己就想主力唱歌，也想試做音樂節目主持。劉洋與李金凱感情最好，指對方玩得，經常互相整蠱，當他是平常人般看待，又視對方為兄弟，問會否上契？他表示：「已經差不多，他成日話我，不過打唔過我。」現場見劉洋腰圍縮水，他承認正在減肥，全日只吃了一個水果，講笑目標要着比堅尼。與辰就提醒劉洋要吃東西及保持身體健康。

羅敏莊（Mimi）專程由泰國返港演出，表示由細聽盧國沾歌大，9成半歌曲都識唱，演唱會上她會夥同兩位小妹妹合唱卡通片《飄零燕》，可以帶同樣喜歡唱歌的女兒一同上台演唱？Mimi表示女兒12歲進入青春期，怕醜又怕尷尬，「女唔畀我喺社交平台Po佢啲相，有時偷偷地Po，會畀佢鬧。」Mimi指女兒已不喜歡唱歌，較喜歡跳K pop，泰國有不少韓國人開的跳舞學校，可以讓女兒一試。早前身在泰國的她，也感受到緬甸地震，她講起也猶有遺悸，指當時震動得很厲害，擔心屋企會變危樓，現時屋企牆璧留有不少裂痕，老公陳國邦化身裝修師傅自行修補，幸結構無問題。問當時有冇諗過會死？她說：「直情覺得會死，以為世界末日。（留有陰影?）有啲地震後遺症，驚覺性好高，同埋成日頭暈暈，不過依家好些。」暫時會繼續在泰國居住，待女未入住寄宿學校後再打算，另外提到「泰國通」胡慧沖突然心臟有事入院，Mimi表示知道他早前驗身，應該沒有大恙。而蔣志光事隔多年冇在港演唱，所以特別勤力排練，因為覺得要對得起作詞人。

東網網站 : https://on.cc/東網Facebook專頁 : https://www.facebook.com/onccnews/