Youtuber王嘉盈自滿擁33E上圍 認做「標準港女」惹抨擊

由阿正（黃正宜）及余德丞（Dickson）主持的ViuTV真人騷《姊妹們的國際市場》近日播出第三集，搵來五位靚女李昭南（Mishy）、何洛瑤（Sica）、演員陳海寧（Dee姐）、花式溜冰運動員馬曉晴（Maisy）及YouTuber王嘉盈演出，跟五位外籍、混血男進行配對。不過王嘉盈就因為「港女」發言而引來抨擊。

來自YouTube頻道FHProductionHK的24歲王嘉盈憑住其「MK妹」形象及驕人的33E上圍而成為網絡女神，在IG擁有23.3萬粉絲，更出名敢言及大膽，之前作客連詩雅及蝦頭的網上節目《絲打圍爐》時自爆15歲搭小巴曾遭性騷擾被摸大腿和臀部，又曾自爆17歲已被問價包養經歷等。

清楚自己身材是賣點的王嘉盈在「自我介紹」體重一欄中標明「Big boobs（大胸部）」，結果成功搶去泰國咖啡師王勤傑（Kit）及日本Youtuber鈴木啟介的目光。問答環節上王嘉盈問到17歲牙買加模特兒黎振曦（Kiva）覺得香港女生怎樣時，Kiva直言覺得香港女仔有啲嘈，又點名王嘉盈是「最煩的一個」，之後王嘉盈自認是「標準香港女仔」：「人哋會覺得我好無禮貌、好嘈，因為我就係好標準個啲香港女仔，我覺得我比起Maisy佢哋更加貼地，但我其實最後都係個好尊重人嘅人，所以我唔認為我會撻著到佢（Kiva）任何地雷囉。」

事後有女網民不滿王嘉盈的發言，留言炮轟她無資格代表「港女」說話：「綁架全香港女仔」、「MK妹扮港女」、「你只係嘈，好嘈，非常嘈，同埋經常喺人哋講嘢嘅時候插嘴」、「影衰晒香港女性，唔係個個都係你咁成個八婆咁」，有人更形容「呢個嘉盈啲粗口仲流利過地盤佬」。