鄭中基貼合照悼念 自爆Uncle Ray是自己年幼時受洗Godfather

「樂壇教父」Uncle Ray（郭利民）昨日離世，不少圈中人表示哀悼，當中包括鄭中基，得知Uncle Ray死訊後，鄭中基貼出合照悼念，表示Uncle Ray與他一家人的緣份好深，更自爆對方是自己年幼時受洗的Godfather。

鄭中基得知Uncle Ray死訊後，網上分享他與父親及Uncle Ray的合照，寫道︰「好多人都知Uncle Ray同我一家緣份好深，但好多人唔知道佢係我細個受洗嘅Godfather。好多人都知我爸爸好鍾意跑馬，但好多人唔知道係Uncle Ray教佢跑馬嘅。」

鄭中基又表示：「大家都知Uncle Ray好威，英女皇頒過MBE勳章俾佢，又係健力士世界紀錄保持者，但你哋唔知嘅係佢最鍾意播嘅歌係《Stairway to Heaven》，因為首歌成八分幾鐘，好適合急屎嘅時候播。感恩廣播界同香港樂壇有你，感恩我嘅成長有你，我會經常記掛住你。Rest In Peace。多謝Uncle Ray」

Uncle Ray從小熱愛音樂，曾經組過3隊樂隊，其中鄭中基父親鄭東漢、香港IFPI總裁馮添枝都是曾經與他夾Band的朋友。Uncle Ray曾經接受傳媒訪問時，笑言樂隊隊友後來都變成了大老闆，無法再玩下去，連心愛的鼓也送給老人院。Uncle Ray以96歲高齡退休，前年曾拍接種新冠疫苗廣告。去年初，他不幸患上「缺血性中風」入院。