作者: 飛叔
清湯腩都算是其中一樣代表香港本土的地道美食，我都頗喜愛，間中都會幫襯不同的店舖，但近幾年就似乎好難遇到超好吃的清湯腩，大埔群記算幾好但可惜執咗，中環九記好耐冇去，不知現時水準如何。旺角這間傳承清湯腩專家開業超過一年，近月以來成為不少網上Channel追捧之人氣店，我並非只為跟風，而是真的想看看是否合自己口味。
傳承清湯腩專家位於旺角廣華街，網上顯示店舖於12點半開始營業，當日到訪是平日的中午12點3左右，見到門外已經有幾個人在等候，可能店主見多人等位，已經提早了放人進去。
我在門外只等了不足十分鐘，就可以入去吃。
店舖很細，只有十多個座位，在左右兩邊拍住牆坐。
在等候時，已經在門外看到餐牌，本來想吃牛爽腩，可惜店員說當日暫時未有，便改叫「崩沙腩」($80)，另加了一客限量供應的「豬粉腸」($48)。
見飲品上有「手工冷泡茶」($15)，便點了「白桃烏龍冷泡茶」，甜度低，白桃味道郤仍很突出。
先喝一口湯，頗為鮮甜又有牛味，還算濃郁，但湯頭不算很有層次那種。
崩沙腩即是牛橫膈膜附近的部位，這次切成不規則的件狀，看來不美觀，但軟腍度十分恰好，話就話不規則，其實都頗細心，每件帶有均等的筋位，令每件肉的軟滑度好平均。
河粉不算特別，份量有點細，幸好放了好幾片生菜，多菜這點就值得讚。
「豬粉腸」的碗雖然比牛腩的細小，但碗內的件數郤不少。
粉腸無論切割和烹煮都處理得不錯，十分爽滑，正「粉腸」質地，完全不輸給牛腩，我覺得這個豬粉腸是必點的。
據講這店的牛腩靚部位每日好快就賣光，幸好今日早來到，還可以吃到靚的牛腩，賣$80一碗清湯腩是略貴了點，好在水準不錯，但又未致於驚喜絕艷。食物就無問題，但環境真的有點迫，座位擠迫，枱又很窄，坐得實在不舒服，宜快快吃完就快快閃。
傳承清湯腩專家
地址: 旺角廣華街2-20號翠園大樓2期地下6號舖
電話: 98482718
營業時間: 12:30 – 21:30
逢星期三全日休息
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung
留言 0