Locker吳家忻放閃吸金　望飛日本唔怕鬧交

藝人林家熙（Locker）及女友吳家忻（Kayan9896）今日以情侶檔姿態現身腕錶活動，Kayan9896透露年尾會有音樂會及推出新歌，問她是否為爭新人獎而努力催谷，她笑言：「都唔算，只係追番之前嘅進度，因為今年出歌唔夠勤力，只係出咗3首半。（有冇信心攞新人獎？）奬項只係浮雲，有就有，冇就冇。」Locker稱雖然獎項對表演者是強心針，但並不會為以此目標去表演。

另外，提到旅行，Kayan9896表示10月才去完日本，但已想再去，Locker就謂從未去過日本，亦從未跟女友去過旅行，若農曆新年夾到時間也想一齊外遊，問到目的地，他稱想去日本，Kayan9896在旁笑謂：「佢想去參表道。」Locker無奈解釋：「我以前將日本表參道，講咗係參表道，畀佢講到依家。」提到不少情侶會因旅行而鬧交，問他們會否擔心？Kayan9896直言：「唔擔心，因為我好易相處。」Locker即冷笑，並說：「兩個人鬧交一定有，但我哋好少鬧交，唔記得為乜，多數係大家冇手尾而鬧交囉。」

東網網站 : https://on.cc/東網Facebook專頁 : https://www.facebook.com/onccnews/