金像獎︱古天樂希望多年輕人攞獎　梁朝偉被誤會有份爭獎

古天樂以壓軸亮相紅地氈，他以的士到場，別開生面，成全場焦點，古天樂身穿黑色西裝加黑超，打扮帥氣有型。古天樂對《九龍城寨之圍城》票房好當然開心，加上海外反應亦不俗，他笑言：「我哋將叉燒飯加頂帽（蛋）傳咗去日本好開心。」有份入圍男配角的他表示入圍已是肯定：「邊個得都係開心事，我最希望多啲年輕人攞獎。」

身為頒獎嘉賓的梁朝偉表示已有10年未有出席金像獎，自言感覺良好又興奮，雖然今年是頒獎嘉賓，而非入圍者，但他笑言無論頒獎或角逐均同樣緊張。有外地傳媒問冇份入圍的他是否有信心？他表現有點愕然，但即時為對方「解圍」謂：「你係咪指我有冇信心頒獎時唔講錯嘢呀？」今晚他負責頒發「最佳新演員」與「新進道導演」頒獎，講到心水？他說：「唔知，有啲睇咗，有啲未睇，但係入得圍會係勢均力敵。」講到有傳他與周潤發加盟拍攝《九龍城寨之龍頭》，他則直言未有工作，也沒有聽聞會拍攝，相信是誤傳。

東網網站 : https://on.cc/東網Facebook專頁 : https://www.facebook.com/onccnews/