九巴日前宣布全新「e度嘟」系統由2月13日起正式啟用，新增10種電子支付方式，支援Apple Pay、Google Pay、Alipay等即可俾錢，而且所有巴士路線都可以透過「e度嘟」系統付款，非常方便！不過消息出街後網民鬧就多過讚，當中就有人指該系統「每次上車時都顯示暫停服務」！
九巴全新「e度嘟」啟用！新增10種電子支付方式
九巴日前在Facebook專頁上宣布，由2月13日起，九巴所有路線都可以透過「e度嘟」電子支付系統繳付車資，乘客可以用有感應式付款功能的信用卡、流動支付裝置，如Apple Pay、Google Pay同Samsung Pay，或者用二維碼（QR code）支付車資，如AlipayHK嘅易乘碼、銀聯雲閃付App嘅「乘車碼」同支付寶嘅乘車碼，總共有多於10種電子支付方式，以後就不需要再擔心八達通無錢又無現金喺身的問題！
九巴表示連同八達通及現金，乘客享有十二種繳付車資的選擇，所有電子支付方式與八達通一樣，可以享有巴士轉乘優惠，不過乘客必須使用同一張信用卡或同一個流動支付帳戶付費，方享有第二程車費轉乘優惠。如果兩程的支付方式不同，第二程則無法享有轉乘優惠。
網民鬧多過讚：但部機次次暫停服務＋最擔心到時…
對於九巴推出全新電子支付系統，網民就鬧多過讚，大鬧「九巴新野一定壞」、「部機頂住部八達通機，搞到好難拍八達通，」、「成日冚埋部機，點用？」。
更有網民擔心因為乘客不熟悉全新的付款系統，日後在上車時將大排長龍！「手機八達通已經好煩，成日阻住上車，仲整埋呢啲嘢，趕時間真係多得佢唔少！」、「實有啲懶先進磨轆禁極都禁唔到個qr code出黎」
留言 0