唐紫睿享受生活唔使做　同餅印「囡囡」遊長洲

前「晶女郎」唐紫睿（Hazel）擁有33D上圍兼43吋長腿，身形非常煞食，以往經常性感上陣晒身材，不過近年已漸漸淡出娛樂圈，閒時於社交網分享休閒生活，去年底就公開新戀情，與男友愛得甜蜜的她更已計劃結婚，雖然婚期未定，但已名花有主的Hazel心情自然靚，日前帶同外娚女到長洲一日遊，期間於沙灘旁的Cafe歎Tea，二人還搞笑大擺同款甫士合照，驟眼看來，照片儼如餅印，要說成母女關係也有人信。

對此Hazel接受東網訪問時笑不攏嘴：「我有3個外娚女，張相入面嗰個係2妹生嘅，今年9歲，本身呢個妹同我好似樣，可能係咁，連佢個女都似我啦！(你快啲結婚生番個啦！)未咁快，依家享受緊呢種平淡生活。（唔做嘢？）有朋友開咗Fitness Centre，想睇疫情穩定再去諗吓投資，呢段時間就操弗吓自己先。」

東網網站 : https://on.cc/東網Facebook專頁 : https://www.facebook.com/onccnews/