唔知大家身邊有冇一種女仔，個樣睇落純過蒸餾水，嗲聲嗲氣，令男仔好想保護佢；但喺女仔面前又係另一個樣，呢種人都會被稱為「姣婆」或者「綠茶婊」，有時遇到呢種女人真係覺得好攞命。一齊睇下佢哋有咩特徵，畀大家提防一下呀！
撰文：PC | 圖片來源：新假期資料室、TVB截圖｜編輯：乖乖l（原文刊於新假期）
姣婆5大特徵！
好多人都話女人最清楚女人，所以好易就會一秒鑑定邊個係綠茶婊，但男人唔係呀！佢哋天生就好似缺少咗呢方面嘅細胞咁。當你喺班男人面前提起呢種女人嘅時候，就會覺得你喺度妒忌人，覺得你講緊人壞話，搞到自己好似有錯咁。但呢班綠茶婊嘅目標，唔係你，而係一班男人呀！！
如果唔想畀呢班姣婆搶走自己嘅男人，一定要跟住以下一套「姣婆評分標準」！男男女女都要睇一睇，提防下呢類人呀！
特徵一：扮嘢最叻
姣婆最叻就係識扮嘢：扮無辜、扮可憐、扮純潔、扮文藝。明明心入面已經清楚晒所有嘢，但依然擺出聽唔明或者唔識嘅樣，乜都要男人幫，最佳例子就係扭個樽蓋都扭不開。
特徵二：異性朋友特別多
呢種女人最鍾意同男人「以稱兄道弟為由，以收兵姣仔為實」去同異性行得好埋，呢個話係已經「friend-zone咗」、果個又話係自己嘅藍顏知己，但喺佢哋嘅社交平台入面跟本就冇出現過一個男人！
特徵三：鍾意同有另一半嘅男人交流
講就話係朋友，強調「男女之間係會有純友誼。」當男人同另一半鬧交嘅時候就會第一時間衝出嚟噓寒問暖，甚至會批評埋人哋另一半：哎呀佢係咁㗎喇，如果係我就會點點點。令到男人都覺得佢好通情達理，善解人意。
A post shared by 黃心穎 Jacqueline B. Wong (@jacquelinebwong) on Oct 7, 2018 at 6:20am PDT
特徵四：聲稱唔鍾意影相 但就成日貼相
呢種女仔經常都會聲稱自己唔鍾意自拍、唔鍾意化妝。但一開佢哋嘅instagram，十張有九張半都係佢哋嘅大頭自拍，仲要張張都化晒妝，但就聲稱自己係素顏。
A post shared by 黃心穎 Jacqueline B. Wong (@jacquelinebwong) on Apr 6, 2019 at 11:48pm PDT
特徵五：聲大夾惡
唔係講嘢大聲夾惡，而係明明係自己唔啱做狐狸精，但就大大聲話自己係真愛！拆散人哋美好家庭，呢種人先係最衰！
留言 0