【鮮芋仙香港】台灣人氣甜品鮮芋仙登陸銅鑼灣 必試手工芋圓／仙草冰沙／芋薯圓麻糬牛奶冰

台灣芋圓甜品店「鮮芋仙」在當地極具人氣，就連港人到台灣旅行都會專程去試。上月官方一宣佈會登陸香港，就立刻引來一班粉絲關注。鮮芋仙香港分店將於下星期正式開幕，身為煙韌控的朋友一定要去試啊！

鮮芋仙主打各款芋圓、仙草、雪冰等台式甜品，堅持以純手藝製作出煙韌的芋圓甜品。首次來港就在銅鑼灣登龍街插旗，一齊率先睇下5款必食推介啦～

芋薯圓Q麻糬牛奶冰 ($52)

牛奶冰配上芋薯圓、小芋圓、Q麻糬及冬瓜凍，每款配料都十分煙韌彈牙。

芋薯圓以地瓜圓包著芋泥，夠哂特別！

牛奶冰配上雪糕，食落不會太甜～

冰芋圓4號 ($45)

刨冰底配上芋圓及地瓜圓，另外加上芋頭、紅豆、珍珠。

芋圓以全手工製造，口感十分煙韌！

芋頭味道香濃，口感綿密。

仙草4號 ($45)

以仙草及蜜糖製成的仙草沙為底，上面再鋪滿仙草凍及芋圓，另外加上芋頭、紅豆、珍珠。

豆花2號 ($42)

豆腐花配上地瓜、薏仁。

綠豆糕麻糬拼盤 ($38)

除了甜品外，鮮芋仙亦供應一系列茶飲，如冬瓜茶、仙草茶、奶霜飲等等。

小芋圓冬瓜茶 ($29)

想試呢間台灣人氣過江龍甜品的朋友就要mark實開幕日期喇！

鮮芋仙

地址：銅鑼灣登龍街V POINT地下1號舖

開幕日期：2019年4月1日

營業時間：中午12時至凌晨1時 (試業期間)