提提你今日投票 黃耀明晨早連環出post 何韻詩、阮民安、杜汶澤、譚杏藍Connect

今日區議會選舉，無論支持哪一邊的藝人都出來呼籲大家去投票，到底投票率會否創高峰。當中黃耀明就好落力，由昨晚深夜至今日晨早都有在facebook留言：「唔想再見到建制派嗰班傀儡，今日記住用你的選票去踢走佢哋。」「今日要用選票踢走建制派。」

另外何韻詩亦出post：「明天區選，世界在看。五個月來第一次可以用體系內嘅方式，以全民投票向呢個政府、向世界表達香港每一個人嘅取態。要點做，投俾邊一個，大家咁聰明唔洗我教，總之，大大力用選票星巴林鄭，話俾佢我地絕非少數，向暴政說不！聽日，切勿輕敵，帶身分證一早出去投票。你同我每一票都咁重要。」再來杜汶澤：「投票極低成本，仲低過連儂牆！香港去到今日咁嘅局面，乜仲需要研究有冇用咩？」還有阮民安：「相信唔使我再叫，大家聽日都一定會去投票。係，議會制度從來都已經無公信力，但不過咁，喺議會入面，多一個可以俾我地監察嘅人。」還有女歌手譚杏藍：「明天一起打破香港最多人早起身紀錄，7點半前好去到票站，嫌我煩都要提多次，確保張選票完整無缺，未知投誰，就上vote4.hk，吹乾，在吸印仔那邊摺好才好放入箱，盡量避免着黑色衫，戴口罩，若你不投，恐怕會換來明日哀愁！記住，多你一票好多！最多我打俾你Morning Call !」