Edan演出新劇　獲監製謝君豪讚演技眼前一亮

藝人呂爵安、謝君豪、練美娟主演的劇集《光明大押》下炙周一（26日）出街，飾演當鋪二叔公林定堅「堅叔」的謝君豪除了是首次擔任劇集監製，更碌人情卡出動逾百演員拍攝，謝君豪透露劇集自2022年開始籌備：「今次最特別就係自己第一次做監製，同以前嘅崗位完全唔同，唔止係一個角色點樣處理場戲，做監製要夾好多嘢，每日都要解決好多問題，對我嚟講係好大嘅挑戰，係困難嘅，不過慢慢就學識點樣去做，每日都有嘢畀我學到，好充實。」

謝君豪講到今次合作的演員，他說：「我同Edan喺電影合作過，上次佢飾演我個仔，今次唔係但都係差唔多嘅關係。我覺得今次同Edan合作眼前一亮，佢演戲成熟咗好多，可以將自己好多唔同諗法擺落去互相碰撞，佢同娟姐都有好好嘅喜劇衝擊效果，好睇、好吸引、好有魅力。」

東網網站 : https://on.cc/東網Facebook專頁 : https://www.facebook.com/onccnews/