姜濤獲最高分膺MVP 亨仔@ROVER吐少男心事

ViuTV籃球節目《公司逼我打籃球》上集提到「生啤盃籃球明星賽」，最後2隊以46比46打成平⼿，今晚（7月1日）播出第7集，將帶觀眾進入加時賽，重溫比賽精華，藍隊狀態大勇，姜濤、邱士縉和周志文紛紛入球，藍隊以56比54險勝，全場最高得分的姜濤膺MVP，以22分獲得「生啤盃全明星對抗賽」最有價值球員。

賽後必定有人歡喜有人愁，贏波的藍隊士氣高昂，賽後討論時姜濤分享：「用咩策略追分？咪一球一球咁追。」梁業@ERROR大讚姜濤：「發覺佢好似亂掉都入！」姜濤笑指：「不可否認有運氣啦！」郭嘉駿@ERROR感嘆：「你打每一場都好似最後一場咁，真係唔知㗎喎，你可能無啦啦傷咗，無啦啦退休。今日我都係幻想係最後一場嚟㗎，點都搏盡啦大佬！」

輸波的白隊百感交集，自覺發揮未夠好的吳林峰說：「我覺得要say sorry！」眾人紛紛說不，譚旻萱（Mandy）則指：「要正向地去諗，你嗰份嬲同埋唔甘心，係要帶落你之後。」

今集節目組邀請到曾獲3屆NBA總冠軍的前職業籃球運動員Bruce Bowen和「愛晴當入樽」的球員切磋，肥仔獲Bruce Bowen簽名，更伸出肚子示意簽名位置，場面風趣。

今集亦講述「愛晴當入樽」眾球員入營訓練，為增強團隊合作，Coach Fui安排成員製作竹筏出海，最近愛講笑話的陳安立（Brian）形容為⼀齊「結紮」，用繩「結」去「扎」竹筏，球員們反應冷淡。

入黑後，一班球員BBQ圍爐取暖，陳鎮亨@ROVER吐少男心事：「啲女仔讚我一兩句，咁我就以為人哋鍾意我。」旁白君問是否指自己容易Get錯對方Signal，亨仔說：「佢求其講句嘢都好，我都以為佢讚我。」王希晉@ROVER笑言有時有異性望亨仔一兩眼，亨仔都會同隊友分享。

（即時娛樂）