陳凱詠新歌MV造型惹爭議︰話我怪我好開心

陳凱詠（JACE）日前推出全新跳唱歌曲《SWITCH》MV，因大膽前衛的造型及曲風掀起網上熱烈討論。最受爭議的是MV尾段一幕特技場面，JACE的頭部如蛇般詭異延伸。有網民在Threads發文問「有冇人覺得JACE依家愈嚟愈偏鋒」，更有網民懷緬在環球唱片時的她，認為當時的作品「正常好多」。有人更將這個場面與日本動漫《火影忍者》中邪魅角色「大蛇丸」作比較，引發連串熱議。

面對質疑聲音，鄧凱文（Moon Tang）等多位圈中人發聲支持JACE，李拾壹更在社交平台留言反擊：「可唔可以賜教一吓咩叫做偏鋒？偏鋒會點㗎？好似好型。」有樂迷稱如已故百變天后梅艷芳現在才出道，也可能會被指是小眾。對於網上紛擾的評論，JACE在Threads回應：「你哋每一個同我講，好鍾意、好睇、好正、好奇怪，其實令我好開心。」她又親述今次親自參與MV的經歷：「希望透過大膽前衛嘅表現手法，打破大眾對本地廣東歌固有印象。我係一個樂觀嘅人，明白一開始未必好多人理解，但作為創作者，呢個係我本分，如果大家鍾意，請大聲話我知！」

（即時娛樂）