【日本好去處】大阪市區溫泉樂園「空庭溫泉」，露天溫泉、岩盤浴、獨立湯屋、按摩、美容樣樣有！

鍾意浸溫泉嘅朋友，去日本大阪就啱喇！

位於大阪市中心有一個溫泉主題樂園，

一站式提供露天溫泉、足湯、岩盤浴、獨立湯屋，仲有按摩、美容等服務！

整座場館有四層，而主要設施設於二樓、四樓同五樓～

一開始大家可以先揀選自己喜歡嘅浴衣花色同腰帶款式，

另外仲提供咗浴巾、外套、提袋等，相當細心！

四樓有一個天空庭園，面積接近1,000坪！

享受露天溫泉嘅樂趣之餘，仲可以欣賞到四季庭園嘅變化㗎～

值得一提係，呢度仲有千本鳥居嘅造景，

著住浴服影相，好有感覺㗎！

天空足湯亦同樣設喺四樓，

如果未試過魚療咬腳皮，可以付費體驗一下！

怕曬嘅朋友，可以考慮留返喺室內浸溫泉～

呢度提供多個特色溫泉，

例如：天然嘅「美肌之湯」、呈白濁色嘅絹湯溫泉、碳酸溫泉、賞庭溫泉，以及按四季變化而設嘅主題溫泉等！

如果想靜靜地浸溫泉，亦可以選擇獨立嘅溫泉空間，

享受悠閒嘅時光！

而針對女性，呢度仲特設乾式三溫暖、蒸汽三溫暖、搓澡美容等~

除此之外，呢度仲有七種岩盤浴，為大家帶嚟養生、美容嘅功效！

唔同主題包括神宮房、南蠻房、座敷房、坪庭房、塩田房、清滝房同川床房，

等大家可以逐間去體驗！

假如大家覺得肚餓，亦唔洗擔心會餓親～

因為呢度設有餐飲設施，

唔單止有日本海鮮丼飯、握壽司、刺身、地道小食，連異國美食都食得到！

食飽之後仲可以體驗其他休閒設施！

設有約200張躺椅嘅3/F休息區

設有40張沙發椅嘅2/F休息區

設有超過15,000漫畫書同其他刊物嘅空庭書房

仿照日本祭典市集嘅露天遊戲區
等你可以一次過玩到拋圈、撈金魚、打靶、夾公仔等經典遊戲～

空庭溫泉
地址：大阪府大阪市港區弁天1丁目2-3
交通：由JR弁天町站北口嘅剪票口出站後往右邊嘅樓梯出／由地下鐵弁天町站西剪票口出站後，前往2A出口

Klook:

立即訂購

Kkday:

立即訂購

來源：官網、Instagram (@solaniwaonsen)

追蹤「放假去邊Openholidays」，緊貼更多吃喝玩樂資訊！
Facebook : openholidays
Instagram : open.holidays
Youtube : 放假去邊OpenHolidays
網址 : openholidays.hk