搭港鐵疑似偷拍事件不時發生，最近YouTuber Dada Chung在社交平台Threads上載了一段影片，片中拍攝到坐在對面的男子手持電話，並在車窗的倒影中可見，男子手機螢幕正正拍攝住Dada雙腿，該男子更一度Zoom In事主裙底。帖文一出引起迴響，有人力斥「香港真係好多變態佬」，亦有人稱「偷睇唔算犯法」，惹起爭議。
有人認為「有晒證據就唔使打格喇」，Dada回覆表示：「無意公審，只係想提下大家搭地鐵要提高警覺。」對於Dada最後沒有報警的決定，受到網民質疑，有人留言稱「偷睇唔算犯法」、「其實你有冇諗過，你同佢個行為都係一樣」，又質問事主「點解你影到都唔阻止佢？」Dada向筆者回覆時指，自己沒有確實證據對方有攝錄，不清楚此行為是否犯法，所以最後沒有選擇報警，但她亦表示，這次已經是第3次憑倒影看到自己被偷拍，只是今次影到對方偷拍的一刻，她希望藉社交平台發文，提醒女生可多留意倒影或睹後鏡，以免被偷拍也懵然不知。
圖片來源：Threads @chungdada
《好有脆》專門發掘社交媒體熱門帖文，所有內容及相片版權均屬發布人擁有。