【今晚尾場直播】側田闊別三年開騷最怕一開口就喊

【今晚尾場直播】《FWD富衛保險呈獻：側田第一秒音樂會2022》一連兩場音樂會於8月20日晚首先啟動！闊別香港舞台三年，側田在音樂會期間感觸良多，側田最希望以音樂會友，因此是次音樂會圍繞很多他的經典金曲以及今年最新作品，以最「原汁原味」的方式呈現，側田甚至在台上即場jam結他、rap歌，是晚就像在一個大型band房內玩音樂一樣！側田以《情歌》、《你好》、《我有今日》和《男人KTV》作序幕，久違的現場演繹水準依舊，一開口嬴得全場歡呼聲。側田表示：「我諗咗三年，晚晚喺度幻想呢一刻講咩，最怕一開口就喊，我真係好掛住你哋！呢三年好多人問我去咗邊，我搬咗去泰國住，殺死我嘅ego。因為我發現自己失去笑容、有雜念，咁樣係會影響到我嘅創作，所以我需要離開處理一下。」

其後，側田提起結他即席jam歌，包括《海闊天空》、《刻在我心底的名字》等，又大唱泰文歌，恍如置身於band房中隨性做音樂。「希望今晚帶到positive energy俾大家，做音樂係發放正能量。我個人同音樂變咗好多，整理自己心態之後，希望今次呈現最真實嘅show，會永世難忘。」

提起側田的老師，不得不提大師級人物Ted Lo，是晚請到他任嘉賓分別彈奏出《第一秒》和《大象席地而坐》。側田亦專程為新歌《Last Dance》排舞，與一位女舞蹈員演繹一段戲劇式的貼身舞蹈，成功帶動觀眾情感。側田也唱出多首金曲如《好人》、《愛的習慣》、《運》、《Kong》，一連串慢歌後，側田以《BOK》、《咖啡因萬歲》、《爽》、《決戰二世祖》炒熱氣氛。側田席間感性表示：「我唔知自己可以唱多幾多年，可能過多幾年要降key，有機會就繼續盡力唱。」然後唱出新歌《老伙記》和《大象席地而坐》。