減肥唔容易，減小腿就難上加難！就算做好多運動，即使體重減輕，小腿肌肉就係減唔走，對於女士嚟講都幾頭痛！網上流傳一種瘦小腿運動，只要做咗呢4組動作，就可以同大象腿講Bye Bye，網友實測指做足14日仲可以減5cm添！想知道有冇用，係唔係真係咁神奇？即刻睇內文一齊學啦～

圖片來源：網絡圖片、SAUCE、IG@somsomi0309、IG@for_everyoung10、IG@official_izone｜撰文：Sharon

好多女仔長期坐喺張櫈唔郁，大大影響血液循環，好容易造成水腫問題，加上平時又少運動，就會出現「大象腿」同「蘿蔔腿」！

小腿後群肌中嘅三頭肌決定形小腿態，「腓腸肌」決定小腿「腳瓜」嘅大細，而「比目魚肌」就決定小腿後側嘅緊緻程度。如果間中拉伸比目魚肌，視覺上可以拉長小腿！相反，腓腸肌較發達，小腿就會顯得粗壯，容易形成「蘿蔔腿」！

如果想解決呢個問題，以下呢4組瘦小腿動作可能就幫到你～

1. 單腿跪式拉伸

雙手支撐身體，後腿向後伸直，腳尖踏地，呢個動作要維持30秒，完成後換另一隻腳做。但記得伸直腳嘅時候，小腿會有拉扯嘅感覺！

2. 弓箭步拉伸

右腳踏前並屈膝，後腿伸直，拉伸小腿，會有拉扯嘅感覺，記得背部要挺直。呢組動作要維持60秒，完成後換另一邊再做。

瞓喺瑜伽墊上，其中一隻腳向後彎曲，腳尖放喺臀部旁拉20秒，然後雙手抱住膝頭，大腿前側貼近腹部，拉30秒，完成後另一邊再做同組動作。

雙手捏住小腿，上下轉動，呢組動作要做10次！

只要做呢4組動作，14日就可以成功瘦小腿㗎啦！大家都可以試下係咪真係Work啦！

——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/