12米長暴龍化石降臨中環！免費睇從未曝光恐龍化石 觀眾可近距離觀賞！
係暴龍現身香港啊！平時係博物館遠距離睇恐龍化石就見得多，一條12米長嘅暴龍化石你又見過未？嚟緊6月唔單止睇到，仲可以近距離欣賞，怎至有機會摸下暴龍化石添啊！
中環有商場將於6月舉辦一個「MEET THE T.REX:探索暴龍世界」慈善展覽，屆時係商場中庭外，將會展出從未公開曝光嘅暴龍化石，仲要係長達12米，係美國南達科他州嚟嘅巨形暴龍化石，真係一定唔可以錯過！
除此之外，展覽更加入6大互動展區，結合AR擴增實境技術，帶大家重遊暴龍世界，探索大自然及恐龍嘅奧秘！
唔單止可以睇啊，大家仲有機會親身接觸真正嘅化石，當中仲有一具達6,500萬年歷史嘅暴龍大腿骨化石，以及疑似暴龍牙洞嘅埃德蒙頓龍脊椎同暴龍牙齒！
就咁聽到已經覺得好壯觀啦，大家除咗可以同朋友一齊去睇之外，仲可以帶埋一家大細一齊去參觀，咁難得嘅機會，大家千祈唔好錯過！
活動詳情：
「MEET THE T.REX:探索暴龍世界」
活動期間：2018年6月7-27日
時間：10am-9pm
地點：IFC商場中庭
費用：全免
Photo Credit:「MEET THE T.REX:探索暴龍世界」
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載