【話當年】黑社會入侵影圈黃子華：5個電影老闆係幫會

黃子華經歷過香港黃金年代，自封「黃金華」。（劉永銳攝）

【今晚直撃】黃子華《金盆𠺘口》棟篤笑今晚在紅館首場開騷，子華重提當年黑社會入侵娛樂圈的日子，他說：「92年等如香港黃金的水尾，依家好多年輕人好懷念香港黃金年代，即係由香港嘅70年到90年代，各位我嘅黃金年華就搭正喺香港黃金年代，咁即係大家懷念嘅係我…唔好叫我黃子華，叫我黃金華﹗嗰陣時黑社會有全世界最強勁公關…亞洲荷李活，香港嘅電影圈，我哋唔單止10套戲裏面有9套講黑社會，我哋10個電影老闆有5個就係幫會，我唔會叫佢哋黑社會，我叫幫會，因為好多都幫過我﹗

我嗰時同一個導演好熟，有個阿強叫佢開工，話畀錢佢拍戲，佢好驚，嗰個阿強叫張子強，咁我安慰佢話，聽講誠哥都要畀錢佢，佢無理由畀錢你，佢就話誠哥都要同佢傾，我係咪唔使同佢傾，我就再安慰佢，你不如攞定贖金去傾。」