有無諗過全球最細嘅國家到底係有幾細？
係意大利入面有唔少「國中國」，
而呢個「馬爾他騎士團」，就係其中之一！
全名「耶路撒冷、羅得島和馬爾他聖約翰主權軍事醫院騎士團」嘅小國，
簡稱馬爾他騎士團，
首都係一幢佔地1.2萬平方米嘅大廈「馬爾他宮」，
而另一個區域就係位於羅馬郊區阿文提諾山上嘅「馬爾他部」。
馬爾他騎士團係一個宗教同埋慈善性質且受國際法承認嘅主權實體，
佢地可以發行自己嘅護照、郵票、貨幣、公共建築同司法獨立等權利。
根據資料，佢地目前只係發行咗500本護照，可以話係全球最稀有！
馬爾他騎士團早係十字軍東征時期就已成立。
最初係喺耶路撒冷提供醫療服務同保護醫療設施，直到1798年，拿破侖一世被逼投降並離開馬爾他島。
騎士團雖然無咗領土，但仍然以組織方式存在，
喺1834年騎士團在羅馬重建總部，直到依家。
馬爾他騎士團同104個國家有外交關係，係歐盟都駐有大使架～
（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
