準備好快閃台灣旅行未？台南作為台灣本地人旅遊熱點，除咗早前介紹嘅最新地標南埕衖事，老房子更是當地特色之一！
十數年前開始當地人將老房子改建成民宿、café，成為不少文青必去之地，今次介紹呢間 Kokoni 就係十年前開設嘅第一代老房子咖啡店，喺台南文青圈內無人不曉，一年前盧廣仲拍攝《我們練愛吧》回到家鄉台南時，便選址此店約會吃甜品！
佢哋坐喺大門右手邊嘅全玻璃窗吧枱位置，更成為唔少客人去到爭相要坐嘅打卡位，也聽說連台灣最紅嘅 youtuber 都自費到訪此店，多年人氣不減！
此店比一般 cafe 更有空間感，因為由兩棟相連嘅房子改建，而每棟均有兩層，座位多之餘每一層嘅裝修風格也不一樣。一邊是白色主調全落地窗框，另一邊係木調古董傢具擺設，幾乎每一個角落都可以拍出不同效果，一間咖啡店可拍到多輯打卡照，性價比很高。
食物方面有特色半月燒 (新台幣 $100)，將厚薄適宜嘅班戟煎香後，捲成半月形狀再放入餡料，盧廣仲就食咗珍珠奶茶味，放滿柔韌可口嘅珍珠而忌廉十分軟滑。
喜歡珍珠口味可以試埋厚身嘅 Pancake (新台幣$180)，三層鬆軟富蛋香嘅 pancake，伴以奶茶醬夠晒香甜，半月燒另有百香椰果、可可口味，而 pancake 則另有起司地瓜、阿嬤甜粿、抹茶栗子等。
甜品以外嘅主食有溫泉蛋山藥蓋飯、壽喜燒烏龍麵等，均有日式嘅元素十分對味，坐於二樓窗旁邊吃邊曬太陽，慢慢地拍拍照，感受一下台南嘅老房子風味吧。
地址：台南市中西區西門路二段 372 巷23-1 號
營業時間：11am-7pm
辦理台證連結：https://coa.immigration.gov.tw/coa-frontend/overseas-honk-macao
官方表示如資料齊備，需大約 5 個工作天審批，但有機會更短時間內便可辦妥。不過現今網上辦台證需要遞交較多資料，包括符合規格的證件圖片，提早申請更穩妥。
台南暫時沒有直航機，香港可選飛高雄，抵撻後乘捷運到「高雄車站」，然後轉乘台鐵 (即火車) 到台南火車站，一個半小時左右便到達。
留言 0