趙海珠豪宅驚變銀主盤放售　遭爆5年按四次！

有「新聞之花」名美嘅前主播趙海珠，升呢人妻人母後雖然主力相夫教子，不過間中仍會出席活動賺下一對囝囡嘅學費。而近期就有傳趙海珠與老公陳昊言於2011年以3,100萬買入嘅貝沙灣單位被一間中資銀行接手，淪為銀主盤外，更以4,600萬港元不包車位叫價放盤，據悉該單位實用面積1,552平方呎，連約243平方呎私人平台，係四人房嘅海景單位！

據傳趙海珠老公陳昊言經營嘅物流公司近年疑出現財政困難，更曾出現欠租狀況，係2013年至2018年短短5年時間，就向同一間中資銀行加按四次。

東網網站 : https://on.cc/東網Facebook專頁 : https://www.facebook.com/onccnews/