ANSONBEAN刪IG宣布暫退娛圈　承認「需要失蹤一段時間」

現年24歲的ANSONBEAN（陳毅燊）於2020年ViuTV《全民造星III》中奪得季軍後簽約寰亞音樂出道，同時涉足音樂和影視界，可惜成績平平，暫未有令人難忘的代表作。最近，有網民發現他刪除IG帳號，瘋傳他退出娛樂圈。ANSONBEAN日前終於在群祖留言回應，承認「需要失蹤一段時間」、「知道咁樣係有啲不負責任」。

參賽《全民造星III》時有「港版 Rain」稱號的ANSONBEAN，曾於入行前在英國修讀戲劇課程兩年，出道後備受唱片公司器重，曾推出多首個人單曲，如《CRUSH (oh no!)》、《RISE》、《聰明豆》等，並於去年發行專輯《ONE DANCE》。演戲方面，曾拍攝ViuTV劇集《I SWIM》、《殺手廢J》、《老是常出現》等；電影《失衡凶間之罪與殺》、《填詞L》、《臥底的退隱生活》等。去年，ANSONBEAN承認與大他三歲的女子組合Beanies成員張天穎（Jaime）拍拖，看似事業愛情發展兩得意。

對於近日刪除IG帳戶和退出娛樂圈的傳聞，ANSONBEAN 親自在群組留言回應，寫道：「我因為心理健康同精神狀態，需要失蹤一段時間，知道咁樣係有啲不負責任，但係亦都希望大家明白。大家唔需要擔心，亦都希望大家繼續加油，繼續努力做自己想做嘅事。」、「希望喺一個更好嘅狀態可以同大家再見，我亦都會記住大家」。另一邊廂，ANSONBEAN的弟弟Ian晉身《全民造星VI》99強。