減肥激索等拍《卧底旅行團4》 有線竟安排一姐妹頭Cafe續約

1.自從 #余詠珊 入主有線之後，為谷收視，學對家ViuTV推《就是青春》發掘明日之星，可惜慘敗收場。其實觀眾唔需要咩花臣，簡單直接嘅《臥底旅行團》反成該台王牌。主持之一 #妹頭 #盧頌恩 亦因而奠定HOYTV 一姐地位。

2.可惜有線捉到鹿無脫角，即使係王牌節目， 阿正之前曾爆料節目budget奇低，一集僅3至5000蚊，主持兼幕後大呻得個做字。今個月中，一向重情嘅妹頭宣布終於同HOY TV續約。佢曾想過拒簽，全情投入打理自己投資的按摩店生意，但公司終肯挽留並出動「 #重磅合約 」，妹頭指：「有新機會，我睇阿正頭，佢續我就續」，最終願意續約。

3.不過，呢個重磅合約的簽約過程，卻相當寒酸，竟然係求其搵間咖啡店坐低簽約！網民紛紛替妹頭不值，「咁核突」、「唔夠formal」、「book個會議室都孤寒」。

4 妹頭事後得體幫公司解釋，指自己忙於處理按摩店事宜，所以喺附近cafe簽約，仲幫口：「喺咖啡店簽都好chill呀」。

5 一姐簽約連記者會都無，有線又錯失 #製造聲勢 及 #娛樂新聞 機會。講到續約條件，妹頭指唔敢bargain，並透露有線想開拍《臥底旅行團4.0》，看來又是繼續食老本（唔知budget有無加呢?）

6 公司唔積極，妹頭卻很積極，決心減肥的她，現時已瘦了兩個碼，目標是去返細碼。而妹頭亦擔心內臟脂肪超標，為健康著想開始戒糖、戒澱粉、做運動減肥。有網民大讚妹頭索，認為HOY TV改名正妹電視更吸引。努力瘦身及工作的妹頭，一姐之位穩如泰山，希望有線懂得珍惜!

▼Follow 娛頭
Facebook: https://www.facebook.com/profile.php?id=61554772610166