演「信一」爆紅 女Fans爭認劉太 劉俊謙：我阿媽反應大啲

憑《九龍城寨之圍城》演「信一」而人氣急升的劉俊謙，昨晚（20日）林峯﹑張文傑和胡子彤出席謝票活動。對於憑「信一」一角爆紅，有傳特地為他開拍《信一傳》，他表示有聽過，但仍未收到消息，如有機會當然想。談到吸引大批女粉絲自認「劉太」，他笑言：「如果嗌劉太，我阿媽反應就大啲，阿媽以為嗌緊佢。」

談到電影在康城放映後，獲觀眾報以10分鐘掌聲，當刻流下男兒淚的張文傑表示：「非常感動，拍到靈魂都被搶走，好激動，心想不如停啦，我頂唔住，其實最後播首歌就有feel，就會忍唔住，一聽呢首歌就會好敏感。」

問到張文傑在《終章》可希望脫下面具？他說：「我冇乜所謂，戴住面具可能可以幫到某啲感覺，我唔係好介意。」胡子彤被指在當地遭認錯是梁朝偉（Tony），他解釋自己英文名也叫"Tony"，林峯表示當地有很多人喜歡胡子彤角色，胡子彤亦說：「覺得有啲受寵若驚，好期待各自修練後，開拍續集兄弟再重逢有乜嘢感覺。」

（即時娛樂）