葉童62歲生日照開工　《淺淺歲月》電車遊獲各地粉絲雲集慶生

今日（3月8日）是葉童的62歲生日，她與謝君豪主演的新片《淺淺歲月》在生日前夕的星期五上映，連同其他同片演員許月湘、黃定謙、車婉婉等人，於開映日一起出席首映禮，今日更舉行電車回憶之旅，不少影迷到場向葉童大講「生日快樂」。

電影公司今日為《淺淺歲月》舉行電車回憶之旅，台前幕後齊集屈地街電車總站，工作人員特別準備蛋糕為今天正日生日的葉童慶祝，切完生日蛋糕，眾人齊齊登上電影的主題電車，從屈地街出發，乘坐電車途經中環、金鐘、灣仔，之後再到達銅鑼灣總站，獲大批影迷在終點熱烈歡迎。

至於昨晚電影首映禮，葉童同樣獲大批粉絲到場支持，不時大叫生日快樂。葉童受訪時笑指又大了一歲，好像才剛剛經歷「登六」，但現在已經要再加2歲，直言生日願望是更積極工作，發展得更好。「依家年紀大，要更珍惜時間，同時希望新戲受歡迎，未來想再有機會同謝君豪合作。」

謝君豪透露，自己是3月23日生日，感覺跟葉童很夾，問到生日願望？他説：「我都希望同葉童多啲合作，舊年的確比較忙，今年想有多啲自己時間，有時唔可以走得太快，我又鍾意影相，所以要更放慢啲。（喺片場有幫葉童影相？）要問准佢先可以影，驚佢會唔高興。」

對於現場有很多粉絲，葉童坦言自己也估不到，感謝大家的熱情支持：「佢哋來自唔同地方，好多已經睇咗部戲幾次。我知道佢哋有自發聚會，我比較少參與，因為我有少少內向，我好感謝佢哋咁錫我，我唯一可以做就係做好自己嘅作品，覺得咁樣先可以回饋影迷。」