每逢週末逛市集行到悶？堅離地球雜貨店聯同Skyone.mart由月初至10月底逢星期六、日都會在尖沙咀舉辦 雜崩冷博物館，將主題博物館與市集攤位「溝埋做瀨尿牛丸」，更會定期轉換主題及不時邀請神秘嘉賓主持分享會、工作坊等，包保大家唔會悶。
繼早前懷舊「時光隧道」主題及請來糖畫藝術家糖畫先生與粵語語言學家Ben Sir分享的「港‧ 廣東話」主題後，主辦方率先透露十一連假期間的主題將為「露營行山」，讓各位參觀者就算身處尖沙咀，都可以過一個山系假期；而展覽區的展品大部份都可以讓大家上手把玩，甚至睇啱就可以買返屋企，助展品順利「出櫃」。
至於市集部份亦相當「雜崩冷」，曾有90後磨刀師 鄒身刀 即席磨刀、俄羅斯噴畫藝術家 Hidobo 擺檔賣畫，又試過有大嶼山手工Bagel品牌 小隱於野 「越洋」參加，攤位種類多到嚇你一跳。連假冇嘢做，不妨去「雜崩冷博物館」行下，實行學嘢、購物一站搞掂；如果想知道每週推介攤位、特別活動的話，大家記得緊貼官方專頁。
文｜Layne
圖｜堅離地球雜貨店
💛FOLLOW AndThen.hk
📘Facebook: AndThen.hk
📷Instagram: @andthenhk
Ⓜ️MeWe: AndThen.hk
留言 0