OREO甜品歷久不衰，次次有咩新花款，都一定大受歡迎！平時食開蘋果批嘅你，有冇諗過會有OREO批？早前馬來西亞麥當勞推出限定OREO批，酥皮批變成OREO餅乾嘅黑色，內餡充滿忌廉同OREO曲奇碎，一眾OREO迷點可以錯過～
呢個全新嘅麥當勞「OREO 朱古力派」擁有酥脆表皮，裡面塞滿奶油忌廉餡料同OREO曲奇脆脆，當你咬落去嘅時候瞬間爆漿，順滑奶油加上OREO曲奇粒，口感層次豐富。
而根據早已嘗鮮嘅馬西亞人表示，「OREO朱古力派」同蘋果派一樣，熱辣辣嗰陣最好食，甚至有網友忍唔住大讚：「呢個係我目前最鍾意嘅麥當勞派口味！」
新批已經喺馬來西亞麥當勞獨家推出，售價馬幣3.95。試過嘅人都讚不絕口，比出好味到令人無法抗拒嘅高度評價，外脆內軟嘅口感發揮得淋漓盡致，一致表示喺下架前都會不斷回購。
如果最近會去馬來西亞玩嘅話，不妨到麥當勞試下呢個邪惡甜點，一定唔會令你失望！
Cookies & Cream Pie (Made with OREO cookies) RM4.71 (約港幣$9)
留言 0