【驚變木偶鼻】 保證唔會郁動福氣虎鼻 黃翠如強烈否認有整容

黃翠如、連詩雅（Shiga）及蘇皓兒（Chloe）等今日宣傳新劇《那些我愛過的人》，談到翠如被指驚變「木偶鼻」，她強烈否認整容，亦不想拖閨蜜唐詩詠落水。她強調從來不是行鬥靚路線，大家可以重溫以前有線節目，建議該記者認真看一吓；「媽咪由細到大都讚我『虎鼻』有福氣，我100%冇心虛答你哋，一定𠼘會郁我個鼻，唔好屈我！（會唔會整其他地方？）其他地方老咗我唔敢包，哈哈！」翠如表示沒有因報導嬲怒，皆因自己在負面新聞中長大，就當多謝大家幫劇集宣傳。Shiga亦為翠如做證，皆因自己幫她介紹Facial，翠如也拖了一年沒去做，根本不貪靚。
連詩雅生日派對冇預陳家樂
由於Shiga下周一便「30+2」生日，正日要拍廣告；翠如又準備連開11日廠景，故日前便相約提早慶祝。至於生日願望，Shiga希望疫情盡快過去，皆因不少朋友因隔離令而分隔兩地。問到會否相約緋聞男友陳家樂慶祝？她表示正日要拍廣告，之後會與公司同事慶祝，周柏豪也會到場，該派對只限「圍內人」，未打算邀約家樂，自己亦以工作行先。