房委會建築成本上升 有委員指工人年紀大效率低、倡鼓勵年輕人入行

（獨媒報導）房委會舉行公開例會，通過下年度機構計劃及建議的財政預算。多名委員關注建築工程成本上漲問題。房屋局局長何永賢稱，房署已成立小組研究降低建築成本，並已輸入勞工緩解人手短缺問題。房委會委員黃碧如就表示，現時建築工人年紀愈大，愈令效率減低，兼容易發生意外，建議當局鼓勵年輕人入行。

何永賢

房委會今午舉行會議，通過下年度建議的財政預算，及緊接年度的財政預測，其中建築成本高企引來一眾委員討論，相關開支將由今年度的280億元，上升至2028至29年度的490億元。

本身是資助房屋委員會主席的黃碧如表示，現時已運用組裝合成技術減低建築成本，但仍需要一定人手。她指建築工人年紀愈大，效率愈低：「建築工人年紀大咗，就算佢喺度做，個數目冇減低到，我覺得個效率一定係減低啲嘅，做啲紮鐵嘅、拎好重嘅嘢，佢年紀大咗，佢可能淨係做到三分一嘅嘢。」

指工業事故涉工人年紀大 及與外勞磨合不足

至於近期發生多宗工業事故，黃碧如認為，或涉及工人年紀大及與外勞磨合不足：「我又唔知係咪因為年紀嘅問題，而變成最近工業意外都多咗，有可能係因為年紀嘅問題啦，有可能係因為import 啲勞工嗰啲磨合、配合嘅問題。」

黃碧如

黃碧如建議，當局要鼓勵年輕人入行，指可以在專上學院、大學設立相關科目，讓年輕人接觸及認識建築業，「唔係只係體力勞動、冇出頭嘅」：「我有時睇電視節目，見到外國起嗰啲好誇張嘅project，foreman都係有技術背景嘅人，唔係以前屋企裝修、地盤見到嘅foreman，我地要改一改社會大眾對呢個行業嘅印象。」

邵家輝倡引入外勞減低成本 指外勞每月工資8,000元

多名本身是立法會議員的房委會委員在會上發言，邵家輝建議輸入外勞以減低成本，指舉例廣東工人工資約3,000至4,000元，香港可以雙倍工資引入。他表示，外勞每月工資8,000元仍較本地工人每月20,000元為低，可以減低人工成本。

邵家輝續稱，政府現時財赤問題嚴重，可透過減少部門「庸才」，及推遲項目作緩和。何永賢則回應指，現時升降機工程等特別工種已使用外勞，當局會利用大灣區人手著力推進，以減低建築成本。盧偉國認為，輸入外勞無法根治人手短缺問題，指問題在於政府「標準高得嚟有啲又冇必要，而且流程審批重疊」。

另一委員陳遠秀就指出，雖然工程成本高企，工程安全支出「應洗則洗，甚至加強」，何永賢回應時表示，房委會安全工作是行內最好，但強調「沒有最好，只有更好」，並指現時大部分工程已改用金屬棚架，亦沒有一刀切棄用竹棚架。

版權: 禁止衍生