32F周甄娜廟細燈籠大　DeepV小背心嚇到吳宗憲O嘴

馬來西亞網紅周甄娜（Jenna）人氣高企，相比同為馬國女神嘅李元玲32C Cup飽滿上圍及1米68苗條身材，周甄娜雖然身高剩係得1米58，不過就廟細燈籠大，有着驚人嘅「8字」三圍32F、23、34，驚人比例嘅玲瓏浮凸身材相當吸睛，唔怪得人氣高踞不下之餘，近日仲獲邀以嘉賓身份上吳宗憲主持嘅節目，傲人好身材就連「見多識廣」嘅吳宗憲都忍唔住讚嘆：「哇厲害了，這個妹子竟然有2千多萬粉絲！」引嚟唔少粉絲感慨：「羨慕憲哥！」、「我已經追蹤好幾年了！」

事實上，向來打扮大膽嘅周甄娜，亦不時喺社交網晒傲人好身材，日前（4日）更喺社交網晒出一件頭背心襯激短褲嘅性感靚相，盡騷渾圓美胸之餘，腰側兩邊挖空露出嘅誘人小蠻腰同樣吸睛，認真突破尺度。

東網網站 : https://on.cc/東網Facebook專頁 : https://www.facebook.com/onccnews/