【LINE你睇】大型雪櫃隨街丟 貼四字證非垃圾?
垃圾徵費在即,加上農曆新年前大掃除,不少家庭都大舉清理家中廢物及過剩物資,令垃圾站非常墟冚;不過日前就有人發現一部大型雪櫃,竟然被公然丟在路邊,上面貼着A4紙寫上四個大字「免費自取」,以示並非亂丟垃圾,只是益街坊,令網民啼笑皆非,不少人揶揄「1/8之後(垃圾徵費)成日會見到」,到時一定「成街都係自取物」。
網上社交平台Facebook「香港失物報失及認領群組」日前有網民貼出一張大型雪櫃被棄置在路邊的圖片,寫上:「新蒲崗景福街mikiki過路處,免費自取?垃圾?🤔」引來超過600個哈哈笑及點讚,有人不知稱讚還是諷刺雪櫃前主人:「幾好……佢無話係垃圾吖,佢只係放喺度送俾有需要嘅人啫。」不過有人不滿物主:「免費自取,冇話正常使用」擔心雪櫃搬返家中之後才發現是壞的。另有網民表示「受教」,似乎有意效法,令人擔心。
其實目前香港有免費回收四電一腦計劃,市民可以將多種指定廢電器電子產品交給歐綠保綜合環保回收處理,包括雪櫃、洗衣機、冷氣機、電視機、電腦、打印機、掃描器、顯示屏,只需網上或電話預約就會有專人來免費回收。
圖片來源:Facebook@香港失物報失及認領群組
【LINE你睇】每日精選網絡熱話,源源送上新鮮事,LINE你睇唔驚冇話題。
留言 5